सानेपामा ट्रकले भ्यानलाई ठक्कर दिदा दुई जनाको मृत्यु
eNewsnepal
Apr 5, 2019
चैत २२, काठमाडौं ।
भर्खरै बनेको कोटेश्वर कलंकी सडक अन्तर्गत सानेपा चोक नजिक जनक शिक्षा सामग्री केन्द्रको किताब बोकेको ट्रकले भ्यानलाई किच्दा दुईजनाको मृत्यु भएको छ ।
शुक्रबार दिउसो बल्खुबाट सातदोबाटोतर्फ आईरहेका जनक शिक्षा सामग्री केन्द्रको बा १ घ ५३३ नम्बर ट्रकले विपरीत दिशाबाट आइरहेको स्कुटर अर्को लेनमा जान लागेको अवस्थामा जोगाउन खोज्दा अनियन्त्रित भइ बा ७ च २१३१ नम्बरको भ्यानसँग ठोक्किन पुगेको प्रहरीले जनाएको छ ।
दुर्घटनामा परी भ्यानमा सवार दोलखा ठूलो पातलका ४० वर्षीय इन्द्रबहादुर सुनार र धनुषाकी डोल्मा शेर्पाको मृत्यु भएको छ। घाइते एकजनाको उपचार भइरहेको छ ।
ट्रकको चालकलाई नियन्त्रणमा लिई थप अनुसन्धान भइरहेको भइरहेको प्रहरीले जनाएको छ ।
Facebook Comments