घूससहित बुटवल राजस्व कार्यालयका प्रमुखसहित दुईजना पक्राउ
अनिल सापकोटा
२० साउन, बुटवल ।
अख्तियार दुरुपयोग अनुसन्धान आयोग बुटवलको टोलीले राजस्व अनुसन्धान कार्यालय बुटवलका प्रमुख र घुस दिन खोज्ने अर्का एक व्यवसायीले नियन्त्रमा लिएको छ ।
व्यवसायीसँग घुस लेनदेन गर्दै गरेको भन्ने गोप्य सूचनाका आधारमा वुटवल उपमहानगरपालिका १३ बुद्धचोकबाट घुस लिने र दिने दुबैलाई प्रकाउ गरिएको अख्तियार दुरुपयोग अनुसन्धान आयोग बुटवलका सूचना अधिकारी सुरेश भुसालले इन्युज नेपाललाई बताए ।
घुस लिने विजय राना राजस्व अनुसन्धान कार्यालय बुटवलका प्रमुख हुन भने घुस दिने व्यवसायी अनिलकुमार झा गुट्खा र चिनी व्यवसायी भएको सूचना अधिकारी भुसालले बताए ।
दुवै जनाबाट २ लाख रुपैयाँ नगद बरामद भएको र घटनाका बारेमा थप अनुसन्धान भइरहेका सूचना अधिकारी भुसालले बताए ।
Facebook Comments