प्रधानमन्त्री ओलीले देशवासीको नाममा सम्बोधन गर्ने
eNewsnepal
Mar 20, 2020
७ चैत्र, काठमाडौँ ।
प्रधानमन्त्री केपी शर्मा ओलीले शुक्रबार साँझ जनतालाई सम्बोधन गर्ने भएका छन् ।
गत सातामात्र अस्पतालबाट मिर्गौला प्रत्यारोपण गरी फर्किएका प्रधानमन्त्रीले शुक्रबार साँझ देशवासीलाई सम्बोधन गर्ने तयारी भइरहेको ओलीनिकट स्राेतले जानकारी दिएको छ ।
कोरोनाभाइरसको संक्रमणको जोखिम तथा न्यूनीकरण गर्न भन्दै सरकारले विभिन्न कदम चालेको बेला प्रधानमन्त्री ओलीले कोरोनाविरुद्धको लडाइको पछिल्लो अवस्थाबारे सार्वजनिक रुपमा जनतालाई आश्वस्त पार्नले सम्बोधन गर्न लागेका हुन्।
संबोधनका क्रममा प्रधानमन्त्री ओलीले विशेष घोषणा पनि गर्ने तयारी भइरहेको ओलीनिकट स्राेतले जानकारी दिएको छ ।
प्रधानमन्त्री ओलीले यसअघि अस्पताल भर्ना हुनुअघि देशवासीलाई भिडिओमार्फत् सन्देश जारी गरेका थिए।
Facebook Comments